Námskeið, viðburðir & opnanir Textíl Barsins
Við stöllurnar hjá Textíl Barnum bjóðum upp á fjölbreytt og skapandi námskeið til þess að veita fólki innblástur hvernig hægt er að nota endurnýttan textíl á fjölbreyttan hátt. Við leggjum mikið upp úr því að skapa notalega stemningu þar sem sköpunarflæðið fær að taka völdin! Við lofum svo sannarlega stanslausu textíl stuði...
Námskeið og viðburðir
Hefur þig alltaf dreymt um að prjóna peysu með mynd af gæludýrinu þínu, fallegu landslagi eða einhverju alveg einstöku? En veistu ekki alveg hvernig á að breyta myndinni yfir í prjónauppskrift?
Á þessu námskeiði lærum við nákvæmlega hvernig á að breyta hvaða mynd sem er í skýrt og tilbúið prjónamynstur og byrja að prjóna myndprjón.
Námskeiðið er haldið á Textíl Barnum Faxatorgi, Faxafeni 10, 2. hæð
18, ágúst, 18:30-22:00
Verð: 17.900 kr
Á þessu námskeiði kynnum við og kennum aðferðir til að endurbæta fatnað. Í stað þess að einblína aðeins á eina flík, leggjum við áherslu á að prófa mismunandi tækni og læra hvernig við getum horft á gamlar flíkur með nýjum augum. Þetta er námskeið fyrir þig sem vilt læra „hvernig“ á að gera hlutina og fá innblástur til að halda áfram heima.
Námskeiðið er haldið á Textíl Barnum Faxatorgi, Faxafeni 10, 2. hæð
25.ágúst, 18:30-22:00
Verð: 17.900 kr
Vantar hugmynd af einhverju skemmtilegu að gera fyrir hópinn þinn?
Á Textíl Barnum sérsníðum við námskeið og samveru fyrir hópinn þinn.
Við tökum vel á móti hópnum þínum í Faxafeninu þar sem góð aðstaða er fyrir allt að 10 manns. Einnig getum við sókt hópinn þinn heim eða á vinnustaðinn.
Við kennum skapandi prjón, vefnað, bútasaum og útsaum svo eitthvað sé nefnt… Hafðu samband og við finnum eitthvað skemmtilegt fyrir þinn hóp.
Sérsniðin námskeið
